KÓP Einkasýningar / Solo exhibitions Hafnarborg

Viðtöl / Interviews

Súrrealískur fróðleikur um sjósókn og veiðarfæri

„Meginþemaö er súrrealískur fróðleikur varðandi sjósókn og veiðarfæri, þetta ágæta hafnarstæði hér í Hafnarfirði og vangaveltur um úrbætur," segir Kristbergur Pétursson sem heldur sýningu frá 17. nóvember til 2. desember í Hafnarborg, Menningar- og listastofnun Hafnarfjaröar, að Strandgötu 34. „Þetta er sýning á grafíkmyndum, teikningum og nokkrum vatnslitamyndum. Langflestar myndirnar eru unnar á þessu og síðasta ári. Þetta eru um það bil 30 myndir. Þessi sýning er mitt fyrsta sjálfstæöa framlag." — Ertu stressaður að vera að fara að sýna svona einn? „Nei, ég get ekki sagt það. Ég er búinn að vera með þessa sýningu svo lengi í undirbúningi að ég er það ekki lengur." — Þú sýnir í Hafnarfirði. „Já, sýningin er liður í eins konar kynningu og það eiga að vera fleiri sýningar á eftir þessari sem liður í kynningunni. Hafnarfjarðarbær fékk þetta ágæta húsnæði í afmælisgjöf á 75 ára afmælinu frá Sverri Magnússyni, lyfsala og listunnanda." — Er eitthvert efni eða aðferð í myndlistinni sem þú ert hrifnari af en annað? „Grafíkin hefur heillað mig mest til þessa en það er óþarfi að rígbinda sig fastan þar." — Hvaða stíl ertu hrifnastur af í myndlistinni? „Engum. Ég reyni aö vinna hratt og ná tökum á einhverri óljósri stemmningu en sumar myndir sem eiga þannig upphaf eru lengi í vinnslu." — Eru Hafnfirðingar duglegir við að sækja myndlistarsýningar í heimabæ sínum? ..Aðsóknin var fremur dauf á fyrstu sýningunum en með áframhaldandi sýningum festir þessi salur sig væntanlega í sessi. Þetta húsnæði á líka eftir að stækka." -SGV