Laugardaginn 12. september opnar Kristbergur Ó. Pétursson sýningu sína Ljóðmyndir - Jökultónar í Gallerí Fold.
Í málverkum Kristbergs fer fram stefnumót myndmáls og ritmáls í tilraun til að brjóta upp mörk milli þess sem er sýnt og þess sem er lesið. Málverkin eru sem fyrr áferðarrík og unnin í jarðtengdum litaskala og nú birtast í þeim orð og setningar sem mara í hálfu kafi í ölduróti málningarinnar.
Kristbergur notar sín eigin ljóð sem efnivið í málverkunum. Árið 2011 hóf hann að fást við ljóðlist, hefur gefið út eina ljóðabók og er með aðra í vinnslu. Árið 2022 hóf hann að yrkja hækur eftir hvatningu frá Kristjáni heitnum Guðmundssyni myndlistarmanni og hefur síðan einbeitt sér að þessu knappa ljóðformi.
Kristbergur sýnir einnig röð vatnslitamynda af Snæfellsjökli. Hækur og vatnslitamyndir eiga að hans mati sameiginlega þætti, svo sem gegnsæi, nægjusemi og aga og er jökullinn í margvíslegri birtu og litatónum drjúgt myndefni til að vinna með.
Kristbergur útskrifaðist úr Myndlista- og handíðaskóla Íslands árið 1983 og hélt svo í framhaldsnám til Hollands. Þar stundaði hann nám við Rijksakademie í Amsterdam og útskrifaðist þaðan árið 1988.
Ljóðmyndir - Jökultónar er fyrsta einkasýning Kristbergs í Gallerí Fold.
In Kristbergur's paintings, a meeting of visual and written language takes place in an attempt to break down the boundaries between what is shown and what is read. The paintings are as before rich in texture and done in an earthy color scale, and now there appear words and sentences that languish half-submerged in the turmoil of the paint.
Kristbergur uses his own poems as material in these paintings. In 2011 he began to write poetry, has published one book of poems and another book is under way. In 2022 he began to compose haikus at the encouragement of the late artist Kristján Guðmundsson and has since focused on this concise poetic form.
Kristbergur also shows a series of watercolors of Snæfellsjökull. In his opinion, haiku and watercolors have several elements in common, which are transparency, contentment and discipline. The glacier is a rich subject to work with and is shown in its various light and colors.
Kristbergur graduated from the Icelandic school of Arts and Crafts in 1983 and from the Rijksakademie in Amsterdam in 1988.
Ljóðmyndir - Jökultónar is his first solo exhbition in Art Gallerí Fold.